एजेन्सी । अक्टोबर १४ मा भारत र पाकिस्तानबीच एकदिवसीय विश्वकप क्रिकेटको ‘हाई भोल्टेज’ खेल हुँदैछ । यो खेल अहमदाबादको नरेन्द्र मोदी स्टेडियममा हुनेछ । खेललाई लिएर आइरहेको धम्कीलाई मध्यनजर गर्दै गुजरात प्रहरीले ठोस व्यवस्था गरेको छ ।
सुरक्षा व्यवस्थाका लागि ७ हजार प्रहरी र ४ हजार होमगार्ड खटिने प्रहरी आयुक्त जीएस मलिकले जानकारी दिए । साथै एनएसजीको बम स्क्वाड र एन्टी ड्रोन टोली पनि सुरक्षा व्यवस्थामा संलग्न हुनेछन् ।
खेलको टिकट बिक्री भइसकेको छ । खेल अवधिभर रंगशालाको सुरक्षामा ध्यानाकर्षण भएसँगै प्रशासनले सहरका अन्य संवेदनशील क्षेत्रमा पनि प्रहरी परिचालन गरेको छ । रंगशाला वरपरका होटलमा पनि चेकिङ गरिने छ ।
