काठमाडौं । सरकारले इजरायलमा १० जना नेपालीहरुले ज्यान गुमाएको शोकमा भोलि राष्ट्रिय शोक घोषणा गरेको छ । यद्यपि, सार्वजनिक बिदा भने दिइएको छैन ।
यसअघि विभिन्न सञ्चारमाध्यममा भोलि सार्वजनिक बिदा दिइएको समाचार प्रकाशित गरिएको थियो । तर, मन्त्रीपरिषदले सार्वजनिक बिदा दिने निर्णय नगरेको सञ्चार तथा सूचना प्रविधि मन्त्री रेखा शर्माले जानकारी दिइन् ।
बैठकमा राष्ट्रिय शोक सँगसँगै सार्वजनिक बिदा दिने विषयमा छलफल भएपनि त्यसबारे निर्णय भने नगरिएको हो ।
मन्त्रिपरिषद बैठकले इजरायलमा ज्यान गुमाउने परिवारलाई १०–१० लाख रुपैयाँ राहत दिने निर्णय गरेको छ ।
