काठमाडौं । सरकारले इजरायलमा ज्यान गुमाएका नेपालीको शोकमा मंगलबार शोक बिदा दिएको छ ।
सोमबार दिउँसो बसेको मन्त्रिपरिषद्को विशेष बैठकले उक्त निर्णय गरेको हो ।
त्यस्तै, सरकारले इजरायल-हमास आक्रमणमा परी ज्यान गुमाएकाको परिवारलाई १०-१० लाख राहत दिने निर्णय गरेको सरकारकी प्रवक्ता तथा सूचना तथा सञ्चार प्रविधि मन्त्री रेखा शर्माले बताईन् । सरकारले इजरायलमा द्वन्द्वग्रस्त ठाउँमा रहेका नेपाल फर्किन चाहने नेपालीलाई यथाशीघ्र ल्याउन काम गर्ने निर्णय गरेको छ ।
नेपालबाट अध्ययनका लागि इजरायल गएका १० विद्यार्थीको आक्रमणमा परी मृत्यु भएको थियो।
