काठमाण्डौ । २०७७ साल साउन २६ गते सोमबार । त्यतिखेर प्रधानमन्त्री थिए केपि शर्मा ओली ।
प्रधानमन्त्री पत्नि राधिका शाक्यले केही दिन अघि सञ्चारमाद्यममा एउटा समाचार पढेकी रहिछिन—‘काठमाण्डौको दक्षिणकालीमा आमाबाबुको घरायसी झगडामा बाबुले आमालाई मारेपछि तीनजना छोरीहरुको विचल्ली’ भनेर ।
प्रधानमन्त्री निवास वालुवाटारमा बस्ने प्रधानमन्त्री पत्नि राधिकालाई सो समाचार पढेपछि ती अवोध वालकाप्रति दया जागेछ ।
घरायसी झगडामा खोटाङ्ग घर भएर दक्षिणकाली बस्दै आएका राई थरका बाबुले आमालाई मारेको कारण प्रहरीले कर्तव्य ज्यान मुद्धामा बाबुलाई पक्रेपछि ति वालिकाहरु विचल्ली बनेका रहेछन् ।
त्यो खवर थाहा पाएपछि प्रधानमन्त्री पत्नि शाक्यले प्रहरी प्रशासन र वालवालिका खोजतलास केन्द्र लगायतलाई ती वालिकाहरुलाई प्रधानमन्त्री निवासमा ल्याउन उर्दी जारी गरिन् । अनि ४, ८ र १४वर्षका ती वालिकाहरुलाई वालुवाटारमा झिकाइयो ।
ती वालिकाहरुलाई जिम्मा लिनको लागि नेपालको पुरानो गैरसरकारी संस्था एसओएस वालग्राम सानोथिमीका राष्ट्रिय निर्देशक इश्वरीप्रसाद शर्मा र वालग्रामको सानोथिमीका निर्देशक खगेन्द्र नेपाललाई पनि त्यहाँ बोलाइयो ।
फाईल फोटो
अनि प्रहरी प्रशासन, राष्ट्रिय वाल अधिकार परिषद्का पदाधिकारीहरुको उपस्थितिमा ठुलै तामझामका साथ टेलिभिजन र ठुला सञ्चारमाद्यमका प्रतिनिधि बोलाई प्रधानमन्त्री ओलीकै अगाडि राखेर ‘विचल्लीमा परेका ति तीनजना वालिकाको आफुले अभिभावकत्व ग्रहण गरेको’ भनेर हल्ला फिँजाइयो ।
वालवालिकासम्वन्धि कानून अनुसार अभिभावक गुमाएका या अन्य कुनैपनि कारणले जोखिममा परेका तथा पीडित वालवालिकाको सक्कली नाम लेख्न, उनीहरुको तस्वीर र अनुहार सञ्चारमाद्यममा छाप्न र देखाउन नमिल्ने अलिकति पनि ज्ञान नभएका प्रधामन्त्री र सञ्चारमाद्यमले त्यसको खिल्ली उडाउँदै ‘अभिभावकत्व ग्रहण गरेको’ दृष्य र समाचार छ्याप्छयाप्ती बनाए ।
प्रधानमन्त्री पत्नि राधिका आफैंले ती वालिकालाई जीवनभर आफैंले हेर्ने जस्तो गरि ‘अभिभावकत्व ग्रहण गरेको’ भनेर हल्ला फिँजाइयो । एमालेसंग आवद्ध सञ्चारमाद्यम र पत्रकारहरुले प्रधानमन्त्री पत्नि राधिकाले ‘कोटी होम लाएर पुण्य गरे’ जसरी उनको गुनगान गाए ।
ती वालिकाहरुलाई ओली पत्नि राधिकाले अभिभावकत्व ग्रहण गरिएको भनिएका ति तीनजना वालिका अहिले पनि एसओएस वालग्राम सानोथिमीको १५ नं घरमा आश्रीत छन् । उनलाई आमा मञ्जु बरालले रेखदेख गर्दै आएकी छिन् भने उनीहरुको बस्ने खाने, पढ्ने लगायतका सबै खर्च एसओएस वालग्रामले वेहोर्दै आएको छ । तीमध्ये जेठी छोरी नजिकैको आदर्श माविमा १० कक्षामा पढ्छिन भने अरु दुईजना वालग्रमद्वारा सञ्चालित हर्मन माइनर स्कुलमा पढ्छन् ।
‘अभिभावकत्व ग्रहण गरिएको’ भनेपछि ओली पत्नि राधिकाले ति वालवालिकाको शिक्षादिक्षाका लागि आजसम्म न वालग्रामलाई एकरुपैयाँ दिएकी छिन् न वालिकाहरुलाई शैक्षिक सामग्री र लत्ता कपडा नै ।
वालिकाहरुलाई वालग्राममा राखेपछि राधिका एकचोटी सेलरोटी लिएर भेट्न पुगेको वालग्रामको भनाई छ । त्यसबाहेक उनीबाट अहिलेसम्म केही सहयोग आएको छैन । तिनीहरुको बारेमा चासो पनि राखेकी छैनन् ।
ती वालिकाहरु एसओएस वालग्रामको नियम र सिद्धान्तभित्र परेका कारण उनीहरु विगत तीनवर्ष दुईमहिनादेखि त्यहाँ आश्रीत छन् । विभिन्न कारणले बाबुआमा गुमाएर जोखिममा परेका वालवालिकाहरु वालग्राममा बस्न पाउने एसओएसको पहिलो नियम अनुसार उनीहरु त्यहाँ बस्न पाएका हुन् ।
‘ती तिनजाना वालिकामात्रै नभई वालग्रामले जिम्मा लिएका सम्पूर्ण वालवालिकाहरु आत्मनिर्भर नभएसम्म तिनीहरुको सम्पूर्ण जिम्मा वालग्रामले नै लिन्छ, त्यसमा कसैले अभिभावकत्व ग्रहण गर्ने भन्ने सवालै आउँदैन’—एसओएस वालग्राम नेपालका निर्देशक डा.गंगा गुरुङ्ग भन्छन् ।
