यस वर्षको साहित्य तर्फको नोबेल पुरस्कार नाटककार एवं गद्य लेखक जोन फोसेलाई प्रदान गरिने भएको छ ।
पश्चिमी नर्वेमा सन् १९५९ मा जन्मिएका फोसेका नाटक, उपन्यास, कविता संग्रह, निबन्ध, बालबालिकाका पुस्तकहरू र अनुवादहरू समावेश छन्।
उनी संसारमा सबैभन्दा धेरै नाटक प्रदर्शन गरिएका नाटककारमध्ये एक मानिन्छन् । उनी आफ्नो गद्यका लागि पनि चर्चित छन् । उनको पहिलो उपन्यास रौडटस्भार्ट सन् १९८३ मा प्रकाशित भएको थियो ।
