एजेन्सी । भारतले आयोजना गरेको आईसीसी विश्वकप (विश्वकप २०२३) अक्टोबर ५ (भोलि) बिहीबारदेखि सुरु हुँदैछ । भारतीय टोलीको पहिलो खेल अक्टोबर ८ मा अष्ट्रेलियासँग चेन्नईमा हुनेछ । यसैबीच भारतीय ब्याट्सम्यान विराट कोहली टिकट माग्नेलाई लिएर रिसाएका छन् ।
भारतीय टोलीका स्टार ब्याट्सम्यान विराट कोहलीले आफ्ना साथी र चिनजानलाई विशेष अपील गरेका छन् । वास्तवमा, विराट कोहली म्याचको लागि टिकट माग्नेहरूबाट रिसाएका हुन् । यसमा उनले विशेष सल्लाह दिएका छन् ।
चेन्नईमा हुने भारत–अष्ट्रेलिया खेलका सबै टिकट बिक्री भइसकेका छन् । यस्तो अवस्थामा मूल्यवृद्धिले खेलाडीलाई पनि असर गरिरहेको छ । विराट कोहलीले आफ्ना साथीभाइ र चिनजानलाई म्याचको टिकटको विषयमा हैरानी नगर्न अपिल गरेका छन् । कोहलीले टिकटको बारेमा चिन्ता नलिई घरमै बसेर आरामसँग खेल हेर्न सबैलाई अपिल गरेका छन् ।
यसका लागि विराटले आफ्नो सामाजिक सञ्जालको सहारा लिएका छन् । विराट कोहलीले आफ्नो इन्स्टाग्राम स्टोरीमा लेखेका छन्,‘विश्वकप नजिकिँदै गर्दा, म विनम्रताका साथ मेरा सबै साथीहरूलाई पूरै प्रतियोगितामा टिकटको लागि अनुरोध नगर्न भन्न चाहन्छु । कृपया आफ्नो घरबाट विश्वकपको मजा लिनुस् ।’
