विराटनगर। नेकपा (एमाले) कोशी प्रदेश प्रदेश कमिटी अध्यक्षमा मोरङका घनश्याम खतिवडा निर्वाचित हुनु भएको छ ।
खतिवडाले ५१२ मत प्राप्त गर्दा उहाँका निकटतम् प्रतिस्पर्धी विनोद ढकालले ४३० मत प्राप्त गर्नुभयो ।
यसैगरी उपाध्यक्षमा धनकुटाका टिकाराम चेम्जोङ निर्विरोध निर्वाचित हुनु भएको छ भने सचिवमा पाँचथरका राजकुमार भण्डारी विजयी हुनुभयो ।
त्यस्तै दुई जना उपसचिवमा झापाकी जलवर्षा राजवंशी र खोटाङका देवान राई विजयी हुनु भएको निर्वाचन अधिकृतको कार्यालयले जनाएको छ ।
