काठमाडौं । काठमाडौं उपत्यकाका तीन वटै जिल्लामा सात दिन निषेधाज्ञा लगाउने निर्णय गरेको छ । सोमबार बिहान बसेको बैठकले कोभिड १९ सङ्क्रमण दर बढिरहेकाले निषेधाज्ञा जारी गर्ने निर्णय गरेको हो।
गृह मन्त्रालय स्रोतका अनुसार १६ गतेदेखि लागू हुने निषेधाज्ञामा सार्वजनिक यातायात, निजी सवारी निषेध गरिनुका साथै मानिसका गतिविधि बाक्लो हुने अन्य क्षेत्रमा पनि निषेधाज्ञा लागू हुने जनाएको छ ।
आइतवार बसेको सीसीएमसी बैठकले देशभरका विद्यालय तथा शिक्षालयमा भौतिक उपस्थित नभइ भर्चुअल रुपमा पठन–पाठन गर्नरगराउन पनि निर्देशन दिएको छ। संक्रमण बढेसँगै बाँकेमा निषेधाज्ञा जारी भइसकेको छ। त्यस्तै मकवानपुरमा समेत सार्वजनिक सवारी साधनमा जोर बिजोर प्रणाली लागू भइसकेको छ।
