काठमाडौँ । देशभरका शिक्षकहरूले विद्यालय शिक्षा विधेयकको विरोधमा राजधानी काठमाडौँ केन्द्रित आन्दोलन सुरू गरेका छन् । विभिन्न जिल्लाबाट काठमाडौँ आएका शिक्षक, विद्यालयका कर्मचारीले सडक आन्दोलन सुरू गरेका हुन् ।
नेपाल शिक्षक महासंघको आह्वानमा माइतीघर मण्डलादेखि नयाँ बानेश्वरसम्म अहिले र्याली सुरु भएको छ । राहत, करार, बाल विकास, स्थायीलगायतका शिक्षक कर्मचारीले विधेयकप्रति विभिन्न १८ बुँदे असहमति राखेका छन् ।
उनीहरुले सरुवा बढुवा, दरबन्दीलगायतका मुद्दा साथै स्थानीय तह मातहत नबस्ने बताउँदै आएका छन् । शिक्षकहरूको सडक आन्दोलनले काठमाडौँको सडक अस्तव्यस्त भएको छ ।
