सल्यान । सल्यानमा ग्यास चुलो लिक भएर आगलागी हुँदा आमा र छोरीको मृत्यु भएको छ ।
जिल्लाको त्रिवेणी गाउँपालिका २ धामिढुंगास्थित आफ्नै घरमा सुतेको अवस्थामा ग्यास चुलोबाट सल्किएको आगलागीमा परि ३२ वर्षीया रेवती थापा र उनकी ९ महिने छोरी ऋतु थापाको ज्यान गएको हो ।
हिजो साँझ खाना खाएर सुतेका उनीहरु बिहान अबेरसम्म पनि नउठेपछि स्थानीयले ढोका खोलेर हेर्दा जलेको अवस्थामा फेला पारेका जिल्ला प्रहरी कार्यालय सल्यानले जनाएको छ । ग्यास चुलोबाट लागेको आगो ओछ्यानसम्म गई सल्किदा जलेर उनीहरुको मृत्यु भएको प्रहरीले जनाएको छ ।
घटनाबारे थप अनुसन्धान भईरहेको जिल्ला प्रहरी कार्यालय सल्यानका प्रवक्ता गोपाल श्रेष्ठले बताए ।
