काठमाडौं । ६० किलो सुन तस्करी प्रकरणमा पक्राउ परेकाहरुलाई म्याद थप गर्नको लागि जिल्ला अदालत काठमाडौँ लगिएको छ ।
पछिल्लो पटक पाएको म्याद सकिएसँगै पक्राउ परेका ३२ जनालाई प्रहरीको केन्द्रीय अनुसन्धान ब्युरो (सीआईबी)ले म्याद थपका लागि अदालत पुर्याएको हो ।
यसैगरी, ब्यूरोले गरेको विस्तृत अनुसन्धान प्रतिवेदन सरकारी वकिलको कार्यालयलाई बुझाउने तयारी पनि छ । सीआईबीले पक्राउ परेका ३२ जना र फरार १८ जना गरी जम्मा ५० जनालाई मुद्दा चलाउन काठमाडौँ जिल्ला सरकारी वकिलको कार्यालयलाई राय दिएको छ ।
