काठमाडौं । सरकारले राष्ट्रिय जनगणना २०७८ तत्कालका लागि स्थगित गरेको छ । प्रत्येक दश वर्षका गरिने राष्ट्रिय जनगणना कोरोना सक्रमणका कारण प्रभावित भएको हो ।
तथ्थाङ्क संकलनका लागि सुपरिबेक्षकहरुको सात दिने तालिम संञ्चालन भएपनि पाँच दिन पछि तालिम रोकिएको केन्द्रीय तथ्याङ्क विभागका महानिर्देशक तीर्थराज चौलागाइले न्यूजपोलारलाई जानकारी दिनुभयो । उहाँले भन्नुभयो सुपरिबेक्षकहरुको तालीम संञ्चालन गर्न कठिन भयो, गणकहरुको बाकि नै छ त्यसैले प्राबिधिक रुपमा जनगणना संकलन कार्य अघि बढाउन कठिन छ ।
बैशाख २६ गतेबाट सुरु हुने राष्ट्रिय जनगणना तत्काल स्थगित गर्न विभागले गरेको सिफारिसलाई राष्ट्रिय योजना आयोगका उपाध्यक्ष डा. पुष्प कडेलको संयोजकत्वमा बसेको बैठकले मन्त्री परिषद्मा पठाउने निर्णय गरेपछि सरकारले स्थगनको निर्णय गरेको हो ।
महानिर्देशक चौलागाइका अनुसार जनगणनाका लागि केन्द्रीय तथ्याङ्क विभागले ३९ हजार गणक र ८ हजार सुपरिवेक्षक नियुक्त गरिसकेको थियो ।
