नेपालगञ्ज । बाँकेमा थप एक साता निषेधाज्ञा बढाइएको छ । वैशाख १३ गते रातिदेखि २० गते राति १२ बजेसम्म जारी रहेको निषेधाज्ञालाई बढाएर २७ गते राति १२ बजेसम्म पुर्याइएको हो ।
जिल्ला प्रशासन कार्यालय, बाँकेले सोमबार सूचना जारी गर्दै संक्रमण फैलावटको साङ्लो तोड्न (चेन ब्रेक) गर्न १३ गते रातिदेखि निषेधाज्ञा गरिएकोमा संक्रमण दरमा अझै कमी नआएकाले निषेधाज्ञा बढाइएको जनाएको छ ।
हालसम्म बाँकेमा मात्रै १ सय ३७ जनाले कोरोना संक्रमणबाट ज्यान गुमाइसकेका छन् ।
