नइ प्रकाशनमा कुलपति र उपकुलपतिको व्यवस्था

काठमाडौं। नइ प्रकाशनले नेपाली वाङ्‍‍मय परम्पराका साधक स्रष्टाहरूका स्थायी मूल्य र सार्वजनिक महत्त्वका अप्रकाशित प्राज्ञिक तथा सृजनात्मक कृतिहरूलाई बिक्री मूल्य नराखी प्रकाशन गर्दै आएको छ । साथै यो संस्था गैरनाफामूलक ढङ्गले सञ्चालनमा रही आएको छ ।

रजत महोत्सव समेत मनाइसकेको नइ प्रकाशन साहित्यिक तथा साँस्कृतिक संस्था भएको र यस संस्थाबाट प्रकाशित कृतिहरूमा सङ्कलित लेखका विद्वान् स्रष्टाहरूले नइलाई प्राज्ञिक संस्थाकै रूपमा व्याख्या गरी मूल्याङ्कन गरेका छन् । नइ प्रकाशन सर्वसाधारण जनसमुदायले बुझ्ने गरेजस्तो पुस्तक प्रकाशन व्यवसायी संस्था होइन ।