काठमाडौँ । राष्ट्रपति विद्यादेवी भण्डारीले (आज) मंगलबार सात वटा अध्यादेश जारी गर्नुभएको छ ।
राष्ट्रपति भण्डारीले नेपालको संविधानको धारा ११४ को उपधारा (१) बमोजिम मन्त्रिपरिषद्को सिफारिसमा यौन हिंसा विरूद्धका केही ऐनलाई संशोधन गर्ने अध्यादेश, २०७८, फौजदारी कसूर तथा फौजदारी कार्यविधि सम्बन्धी केही ऐन संशोधन गर्ने अध्यादेश, २०७८, औषधि (तेस्रो संशोधन) अध्यादेश, २०७८ लगायत जारी गर्नुभएको हो ।
पुनःस्थापित प्रतिनिधि सभाको पहिलो बैठकमा अध्यादेश पेस हुन सकेका थिएनन् ।
