काठमाडौं । प्रमुख प्रतिपक्ष दल नेपाली कांग्रेसले प्रतिनिधिसभामा विश्वासको मत लिन लाग्नुभएका प्रधानमन्त्री केपी शर्मा ओलीको कदम षड्यन्त्रपूर्ण रहेको भन्दै त्यसलाई असफल बनाउने निर्णय गरेको छ ।
सभापति शेरबहादुर देउवा निवास बुढानिलकण्ठमा मंगलवार बसेको पदाधिकारी बैठकले नियमित अधिवेशन बोलाउनुपर्ने अवस्थामा विश्वासको मत लिन विशेष अधिवेशन बोलाएकोमा असन्तुष्टि जनाएको हो ।
बैठकपछि पत्रकारसँग कुरा गर्दै सहमहामन्त्री प्रकाशशरण महतले विश्वासको मत लिने लक्ष्यलाई असफल बनाउने प्रमुख लक्ष्य रहेको बताउनुभयो ।
