काठमाडौँ । जारी एसिया कपमा नेपालले भारतविरुद्ध मध्यम सुरुवात गरेको छ ।
श्रीलंकाको कान्डीमा रहेको पालेकेले इन्टरनेशनल क्रिकेट स्टेडियम भएको टस हारेर ब्याटिङ को निम्तो पाएको नेपालले पावर प्लेमा एक विकेट गुमाएर ६५ रन बनाएको छ ।
नेपालले पहिलो विकेटमा ओपनर कुशल भुर्तेललाई गुमाएको छ । भुर्तेल तीन चौका र दुई छक्का प्रहार गर्दै ३८ रन बनाएर आउट भए ।
अहिले क्रिजमा आसिफ शेख र भिम सार्की रहेका छन् । आसिफले ४० बलमा ४ चौकाको सहयोगमा २३ रन बनाएका छन् ।
ताजा स्थितीमा नेपालले १२ ओभरमा एक विकेट गुमाएर ६७ रन बनाएको छ ।
