एजेन्सी । बलिउड अभिनेत्री कंगना रनावत अभिनीत तमिल फिल्म ‘चन्द्रमुखी २’ को ट्रेलर सार्वजनिक भएको छ ।
आइतबार चेन्नईमा एक कार्यक्रमबिच फिल्मको ट्रेलर अनावरण गरिएको थियो ।
गोल्डमाइन युट्युब च्यानलमार्फत सार्वजनिक गरिएको ट्रेलरमा एक हवेलीमा १७ वर्षदेखि घुमिरहेको आत्माको कथा देखाइएको छ। ट्रेलरमा कंगना निकै सुन्दर देखिन्छिन् किनकि उनले वेट्टियान राजाको दरबारमा नर्तकीको भूमिका निभाएकी छिन् । उनलाई सुन्दरता र नृत्य कौशलका लागि परिचित गरीएको छ ।
चन्द्रमुखीको कथामा १७ वर्षपछि नयाँ ट्विस्ट देखाईएको छ । जहाँ राजा र दरबारी नर्तकी चन्द्रमुखीको २०० वर्ष पुरानो कथालाई वर्तमानसँग जोडिएको छ ।
पि वासुले निर्देशन गरेको फिल्ममा कंगना रनावत र राघव लोरेन्सको मुख्य भूमिका छ। फिल्ममा सुवास करण र मनिष शाहको लगानी छ।
सन् २००५ मा प्रदर्शन भएको फिल्म ‘चन्द्रमुखी’ को सिक्वेल रहेको यो फिल्म हिन्दी, तमिल, तेलुगु, कन्नड र मलयालममा १९ सेक्टेबरदेखि प्रदर्शन हुनेछ।
