एजेँसी । इजरायलले एफ—३५ स्टेल्थ लडाकु विमान खरिद गर्न संयुक्त राज्य अमेरिकासँग अनुमति लिएको छ ।
आईतवार इजरायली रक्षा मन्त्रालयले थप एउटा एफ—३५ स्टेल्थ लडाकु विमान खरिद गर्न अमेरिकासँग अनुमति लिएको जनाएको हो ।
इजरायली रक्षा मन्त्रालयले जारी गरेको विज्ञप्ती अनुसार रक्षामन्त्री योभ ग्यालान्टले अबको केही महिनामा सम्झौतामा हस्ताक्षर गर्न अमेरिकी रक्षा विभागलाई अनुरोध पत्र पठाएको बताईएको छ । इजरायलले संयुक्त राज्य अमेरिकाबाट लकहिड मार्टिनद्वारा निर्मित २५एफ—३५ विमान, सहयोगी र मर्मतसम्भार गर्ने सम्झौतामा हस्ताक्षर गर्न सहमत भएको हो ।
नयाँ तीन वटा विमान २०२७ सम्म इजरायलमा आउने अपेक्षा गरिएको छ । सम्झौता पूरा भएपछि इजरायली वायुसेनालाई विमान दिइनेछ । इजरालयलले डिसेम्बर २०१६ मा आफ्नो पहिलो एफ—३५ जेटहरु खरिद गरेको थियो ।
