काठमाडौँ । जनमत पार्टीका सांसद अब्दुल खानले उद्योग वाणिज्य तथा उपभोक्ता समितिको सभापतिमा उम्मेदवारी दिने भएका छन् ।
सत्ता गठबन्धनमा भएको सहमति अनुसार खानले उद्योग वाणिज्य तथा उपभोक्ता समितिको सभापति पदमा उम्मेदवारी दिन लागेका हुन् ।
यस समिति सभापतिमा राष्ट्रिय स्वतन्त्र पार्टी (रास्वपा) ले पनि दाबी गर्ने भएको छ । रास्वपाले उद्योग वाणिज्य तथा उपभोक्ता समितिमा गणेश पराजुलीलाई उम्मेदवार बनाउँदै छ ।
मिनी पार्लियामेन्ट’का रूपमा लिइने संसदीय समितिको नेतृत्वका लागि आज मनोनयन दर्ता हुँदैछ । समिति सभापतिको निर्वाचन भने सोमबार दिउँसो ३:०० बजेका लागि निर्धारण गरिएको छ ।
