सुनसरी । सुनसरीको धरानमा वैदिक सत्य सनातन हिन्दु धर्मको रक्षा र सद्भावको आह्वान गर्दै हिन्दु धर्मका संघसंस्थाहरुले प्रदर्शन गरेका छन् ।
शनिवार स्वधर्मको रक्षा आह्वान गर्दै धरानबाहिर शान्तपूर्ण र्याली निकालेका विभिन्न हिन्दु संघसंस्थाहरु तरहराको पानीपियामा आन्दोलित भएका हुन् । शुक्रवार मध्यरातिदेखि धरानमा निधेषाज्ञा जारी गरिएको थियो । हिन्दु धर्मावलम्वीहरुको प्रदर्शनलाई निधेषाज्ञा क्षेत्र बाहिरै रोक्न सुरक्षा व्यवस्था कडा पारिएको थियो ।
हिन्दु धर्मका अगुवाहरूको नेतृत्वमा निस्केको र्यालीमा हजारौं सर्वसाधारण सहभागी भएका थिए ।
धार्मिक अभियन्ता तथा राधिका फाउन्डेसन , संरक्षक एबं संस्थापक अध्यक्ष राधिका दासीका अनुसार विराटनगरबाट इटहरी हिडेका २७ वटा गाडीलाई प्रशासनले बाटो मै रोकिदिएको यो । झापाका दर्जन भन्दा बढी गाडी चारपाने लगायत सुरुङ्गा क्षेत्र तिरै रोकिदियो । धनकुटा तिर बाट आएका तीन दर्जन भन्दा बढी गाडीहरु धरान प्रवेश गर्न दिइएन । फेरी पनि बिस हजार भन्दा बढी ओमकार परिवारलाई मान्नेहरु आज इटहरीमा स्वधर्म रक्षा र गौ माता को रक्षार्थ आवाज बुलन्द गर्दै सडक मा उत्रिएका थिए ।
धरान उपमहानगरपालिकामा केही साताअघि सार्वजनिक रुपमा गोरु काटेर भोज गरिएको बिरोधमा आन्दोलन चर्किएको हो । हिन्दु धर्मावलम्वीहरुले गाई, गोरुलाई आस्थाले पूजा गर्ने गर्दछन् । एक धर्मावलम्वीहरुले अर्को धर्मावलम्वीहरुको आस्थाको केन्द्रमाथि प्रहार गरेको भन्दै कोशी प्रदेशमा यतिबेला आन्दोलन चर्किंदै गएको छ ।
फोटो -राधिका दासीको फेसबुकबाट
