विराटनगर । संविधानविपरीत प्रदेशसभाबाट विश्वासको मत लिएको भन्दै मुख्यमन्त्री उद्धव थापाविरुद्ध एमालेले आज सर्वोच्च अदालतमा मुद्दा दायर गर्न लागेको छ ।
थापाले संविधानको हुर्मत लिएर विश्वासको मत लिएको भन्दै नेकपा एमाले बदरको मागसहित अदालत जान लागेको हो ।
एमाले कोशी प्रदेश संसदीय दलका उपनेता राम रानाले आफुहरु आजै अदालत जाने बताए ।
मंगलबार विराटनगरमा आयोजित एक कार्यक्रममा बोल्दै एमाले संसदीय दलका नेता हिक्मत कार्कीले एमालेसँग अदालत जानुबाहेक अर्को विकल्प नभएको बताएका थिए ।
सत्ता गठबन्धनबाट मुख्यमन्त्री बनेका उद्धव थापाले सभाध्यक्ष इस्राइल मन्सुरीलाई प्रयोग गर्दै सोमबार विश्वासको मत लिएका थिए । सभाध्यक्षको मतदानबाट विश्वासको मत पाएको भन्दै त्यसविरुद्ध एमाले अदालत जान लागेको हो ।
सभाध्यक्षसहितको मतको आधारमा मुख्यमन्त्री थापाले ४७ मत प्राप्त गरि विश्वसको मत पाएका थिए भने विपक्षमा ३० मत परेको थियो ।
