काठमाडौँ । आज बस्ने भनिएको प्रतिनिधिसभा बैठक बुधबारसम्मका लागि स्थगित गरिएको छ ।
छानबिन समिति बनाउन माग गर्दै संसद् अवरोध गरिरहेको एमालेका कारण आज ३ बजेका लागि बोलाइएको संसद् बैठक स्थगित भएको बताईएको छ ।
संसदअघि सर्वदलीय बैठक बसेर सहमति जुटाई बैठक बस्ने बताईएको थियो । बैठक बसेर सुवास नेम्वाङ, रमेश लेखक र हितराज पाण्डेले तयार गरेको ड्राफ्टलाई अन्तिम रूप दिने बताइएपनि एमाले अध्यक्ष केपी शर्मा अनुपस्थित रहे । जसका कारण आजको शीर्ष तहको बैठक एजेन्डा तय नभई स्थगित हुन पुग्यो ।
लगत्तै संसद सचिवालयले पनि बैठक बस्ने दिन र समय परिवर्तन भएको सूचना निकालेको हो ।
