चितवन । नारायणगढ–मुग्लिन सडकखण्ड पुर्ण रूपमा सञ्चालनमा आएको छ ।
नाम्सीपुलमा सोमबार राति ८ बजे खसेको पहिरोले सडक अवरूद्ध हुँदा सवारी साधन सडकमै रोकिएका थिए । सडकको ७० मिटर भाग ढाक्ने गरी खसेको पहिरो रातिदेखि नै पन्छाउन थालिएको थियो ।
पहिरो पन्छाएपछि मंगलबार दिउँसोदेखि सडक खुलेको डिभिजन सडक कार्यालय भरतपुरका प्रमुख रमेश पौडेलले जानकारी दिए । सडक दुवैतर्फ खुलेको उनले जनाए ।
