काठमाडौं । जनता समाजवादी पार्टीका सांसदहरु दुई खेमामा विभाजित भएका छन् । जसपाका अध्यक्ष उपेन्द्र यादव समुहका सांसदले प्रधानमन्त्री केपी शर्मा ओलीले सोमबार प्रतिनिधिसभामा पेस गर्नुभएको विश्वासको मतको विपक्षमा मतदान गरेका छन् भने अर्का अध्यक्ष महन्थ ठाकुर समुहका सांसहरु तटस्थ बसेका छन् ।
विश्वासको प्रस्तावमाथिको छलफलको क्रममा जसपाका अध्यक्ष ठाकुरले आफ्ना माग सम्बोधन गरेकोमा प्रधानमन्त्री ओलीलाई धन्यवाद दिदै सबै मुुद्दा फिर्ता लिईदिन माग गर्नुभएको थियो । उहाँले संविधानमा सुधार गर्नुपर्ने आवश्यकता रहेको भन्दै आफुले संविधान संसोधनको मागलाई नछोडेको बताउनुभयो । उहाँले प्रधानमन्त्रीको विश्वासको मतको प्रस्तावको पक्ष वा विपक्षमा नरहेको भन्दै तटस्थ बस्ने संकेत गर्नुभएको थियो ।
यता अर्को अध्यक्ष उपेन्द्र महतो भने वर्तमान सरकारको कार्यशैली विरुद्ध कडा ढंगमा प्रस्तुत हुनुभएको थियो । उहाँले मधेस र मधेसी जनता विरोधी प्रधानमन्त्री ओली पछिल्लो समय केही मधेशीलाई फकाउने काममा लागेको टिप्पणी गर्नुभयो । मधेस आन्दोलनमा मानिसहरु मारिदाँ प्रधानमन्त्रीले दुईचार वटा आअँप झरेको टिप्पणी गरेको भन्दै प्रश्न गर्नुभयो “त्यो बेला उहाँ(प्रधानमन्त्री केपी शर्मा ओली) को अभिव्यक्ति के थियो ? दुई चार वटा आँप झरेको हो । अहिले त्यही आँप खुवाउनुहुन्छ मधेशीहरुलाई ?”
एउटै पार्टीका अर्का अध्यक्ष ठाकुर विश्वासको प्रस्तावमा तटस्थ बस्ने धारणा राख्नुभएको थियो भने यादवले भने विपक्षमा उभिए बताउनुभएको थियो । उहाँले भन्नुभयो “संसद असंवैधानिक तरिकाले विघटन गरिदिनुभयो । जनता सडकमा आए । सर्वोच्चले पुनस्थापित गरिदियो । जुन संसदमा विश्वास छैन । कसरी मत दिने ?”
