काठमाडौं । नयाँ सरकार गठन प्रक्रियामा छलफलका लागि कांग्रेस सभापति शेरबहादुर देउवाले बोलाएको विपक्षी दलको बैठक स्थगित भएको छ । दिउँसो २ बजे बस्ने भनिएको विपक्षी गठबन्धनको बैठक अकस्मात स्थगित भएको हो ।
पहिले दलहरूबीच आन्तरिक छलफलमा जुट्ने र त्यसपछि बैठक बस्ने कांग्रेसका एक नेताले बताएका छन् । यता देउवाले आजै दिउँसो ३ बजे कांग्रेस पदाधिकारी बैठक बोलाएका छन् ।
अरु दलले पनि आन्तरिक छलफल गर्ने र त्यसपछि आजै वा भोलि गठबन्धनको बैठक बस्ने ती नेताले बताए ।
हिजो राति जसपा अध्यक्ष महन्थ ठाकुरले विज्ञप्ती जारी गर्दै वैकल्पिक सरकार गठनमा पार्टी संलग्न नहुने बताएका थिए । त्यसै सिलसिलामा विपक्षी दल पहिले आन्तरिक छलफलमा जुटेका हुन् ।
