एजेन्सी । बलिउड स्टार सनी देओललाई बैंक अफ बडोदाले नोटिस जारी गरेको छ । सन्नीले ५६ करोड ऋण लिएका थिए ।
सनीले यो ऋण तिर्न सकेनन्, त्यसपछि उनलाई बैंकबाट नोटिस आयो । ऋण तिर्न नसकेमा उनको जुहुमा रहेको ‘सनी भिल्ला’ लिलामी हुनेछ । यो बंगलाका लागि सनीले ऋण लिएका थिए ।
यसका लागि सूचना पनि निकालिएको छ । बैंकले जारी गरेको सूचनामा सनीको जमानतमा बुबा धर्मेन्द्रको नाम उल्लेख छ । यसमा लिलामीको मिति २५ सेप्टेम्बर राखिएको छ ।
सनी देओल गदर–२ को सफलताको आनन्द लिइरहेका छन्, यसैबीच यो खबरले उनलाई विचलित पार्न सक्छ । अभिनेता हाल लण्डनमा रहेको बताइएको छ । उनको टोलीसँग सम्बन्धित एक व्यक्तिले यस सम्बन्धमा छिट्टै बयान दिने बताएका छन् ।
सनीको फिल्म गदर–२ ले राम्रो कमाई गरिरहेको छ । शनिबार फिल्मले ३१.०७ करोड कमाएको थियो । फिल्मको ९ दिनमा कुल कलेक्सन ३३६.२० करोड पुगेको छ । यी तथ्याङ्कहरू आफैमा ऐतिहासिक छन् । करिब ७० देखि ८० करोडमा बनेको यो फिल्म अब ४०० करोड क्लबमा सामेल हुने तयारीमा छ ।
