काठमाडौं । ६० किलो सुन तस्करी प्रकरणमा थप दुई चिनियाँ नागरिक पक्राउ परेका छन् ।
हङकङबाट आएको ६० किलो ७१६ ग्राम सुन तस्करीमा संलग्न रहेको आरोपमा केन्द्रिय अनुसन्धान ब्यूरो (सिआईबी)ले उनीहरुलाई गएराति काठमाडौंबाट पक्राउ गरेको हो ।
सिआईबीले बुधवार साउन ३१ मा चारजना चिनियाँ नागरिकलाई पक्राउ गरेको थियो । बुधवार पक्राउ परेका टीयान मि र वेन तोङ दम्पति रहेका र उनीहरुले ठमेलमा ‘केटीबी’ नामको रेष्टुरेण्ट संचालन गर्दै आईरहेका अनुसन्धानबाट खुलेको छ । यस्तै, डिङ सेग्फा र ली–नेङकाई त्रिभुवन अन्तर्राष्ट्रिय विमानस्थलबाट गाडीमा सुन ओसार्ने गर्ने गरेको पाईएको छ ।
गएराति पक्राउ परेका दुईजनासहित यस प्रकरणमा पक्राउ पर्नेको संख्या २३ पुगेको छ ।
