सुर्खेत । कर्णालीका मुख्यमन्त्री महेन्द्रबहादुर शाहीले तीन मन्त्री थप गर्नुभएको छ ।
नियुक्त हुने मन्त्रीहरूमा रुकुमपश्चिमबाट निर्वाचित गोपाल शर्मा र सुर्खेतपश्चिमबाट निर्वाचित विन्दमान विष्ट र समानुपातिक सांसद सीता नेपाली रहनुभएको छ ।
शर्मालाई आर्थिक मामिला तथा योजना मन्त्रालय र विष्टलाई आन्तरिक मामिला तथा कानून मन्त्रालयको जिम्मा दिइएको छ भने पूर्वाधार विकास मन्त्रालय फुटाई जलस्रोत मन्त्रालयमा सीता नेपालीलाई नियुक्त गरिएको छ ।
यस्तै आर्थिक मामिला तथा योजना मन्त्री विमला केसी र आन्तरिक मामिला तथा कानून मन्त्री नरेश भण्डारीले आज बिहान बसेको मन्त्रिपरिषदको बैठकमा राजीनामा दिनुभएको बताइएको छ ।
दुवै मन्त्रीको राजीनामा स्वीकृत भइसकेको बताइएको छ ।
