काठमाडौं । बाणिज्य बैंकहरुले भदौ १ गतेदेखि लागू हुने गरी बैंकको ब्याजदर बढाएका छन् ।
भदौ १ गतेदेखि लागू हुने नयाँ निक्षेपको ब्याजदर सार्वजनिक गर्दै १२ वटा बाणिज्य बैंकको ब्याजदर बढाएका छन् । ब्याजदरमा खुल्ला नीति लागू भएसँगै वाणिज्य बैंकहरुले आफूखुशी ब्याजदर निर्धारण गरेका हुन् ।
साउन महिनाका लागि निक्षेपमा न्यूनतम ७ प्रतिशतदेखि ९.९८ प्रतिशतसम्म ब्याजदर तोकिएकोमा भदौमा बैंकहरुले १०.८९६ प्रतिशतसम्म ब्याजदर तोकेका छन् ।
अहिले सबैभन्दा बढी ब्याज दिनेमा ग्लोबल आइएमइ बैंक, एनआइसि एसिया, नेपाल बैंक, कुमारी बैंक, सिटिजन्स बैंक र कृषि विकास बैंकको रहेका छन् । यी बैंकहरुले भदौका लागि १०.८९६ प्रतिशत ब्याजदर कायम गरेका छन् ।
यस्तै, प्राइम कमर्सियल बैंक, नबिल बैंक, लक्ष्मी सनराइज बैंक, एभरेष्ट बैंक र प्रभू बैंकले क्रमश: १०.५० प्रतिशत, १०.४९ प्रतिशत, १०.४० प्रतिशत, र १०.१० प्रतिशत ब्याजदर तोकेका छन् ।
त्यसैगरी, एनएमबी बैंक, नेपाल एसबीआई बैंक, हिमालयन बैंक, सिद्धार्थ बैंक, माछापुच्छ्रे बैंक र राष्ट्रिय वाणिज्य बैंकले ९.९९ प्रतिशत ब्याजदर कायम गरेका छन् भने स्ट्यान्डर्ड चार्टर्ड बैंकले सबैभन्दा कम ८.९२ प्रतिशत ब्याजदर तोेकेको छ ।
