काठमाडौं: नेपाल हज समितिले आगामी वर्ष सन् २०२४ का लागि साउदी अरबको मक्का मदिनामा हज गर्न चाहने नेपाली इस्लाम समुदायका लागि आवेदन माग गरेको छ ।
साउदी अरबले आगामी वर्षका लागि १२०० जनालाई हजका लागि कोटा तोकेको समितिले जनाएको छ ।
समितिले हजमा सहभागी हुने व्यक्तिले पहिलो किस्ता बापत रु. १ लाख ५० हजार यही साउन ३० गतेदेखि असोज ३० गतेभित्र बुझाएर आवेदन दिन सक्ने बताएको छ ।
हजयात्रीले आवेदनका साथ नेपाली नागरिकताको फोटोकपी, राहदानीको फोटोकपी, हज शुल्क तिरेको रसिद, हालसालै खिचेको पासपोर्ट साइजको फोटो, कोभिड१९ विरुद्धको खोप लगाएको प्रमाणपत्र दिनुपर्ने समितिका कार्यवाहक अध्यक्ष मकवुल मियाँले बताउनु भएको छ ।
