काठमाडौं । सत्तारुढ दलहरुका शीर्ष नेताको बैठकले सुन तस्करी प्रकरण छानविनका लागि उच्चस्तरीय समिति बनाउनुनपर्ने ठहर गरेको छ ।
प्रधानमन्त्रीको सरकारी निबास बालुवाटारमा बसेको बैठकले सुन तस्करीका बारे उच्चस्तरीय छानबिन समिति गठन गर्नु नपर्ने ठहर गरेको हो । बैठकले गौर हत्याकाण्डका बारेमा पनि थप अनुसन्धान गर्नु नपर्ने निष्कर्ष निकालेको छ ।
बैठक पछि नेकपा एकीकृत समाजवादीका उपाध्यक्ष राजेन्द्र पाण्डेले संञ्चारकर्मीहरु संग भन्नुभयो ‘सुनको बिषयमा सीआइबीले गरिरहेको अनुसन्धानलाई नै प्रभावकारी बनाउनुपर्ने निष्कर्ष बैठकले निकालेको छ । ‘
उहाँले भन्नुभयो ‘गौर हत्याकाण्डका विषयमा पनि बैठकमा छलफल भएको थियो । मारिएका व्यक्तिका परिवारले क्षतिपूर्ति पाइसकेको र मारिनेहरु सहिद घोषणा भइसकेकाले थप यसमा केही बाँकी नरहेको निष्कर्ष निकालिएको छ ।’
केही दिन अघि प्रधानमन्त्री पुष्पकमल दाहालले गौर हत्याकाण्ड पीडितसंग छाननि गरी दोषीलाई कारबाही गर्ने प्रतिबद्धता जनाउदै गृहमसचिबको संयोजकत्वमा समिति समेत गठन गरिएको थियो ।
