काठमाडौँ । नेपाल कांग्रेसका महामन्त्री गगन थापाले सुन तस्करी प्रकरणमा नाम मुछिएका नेकपा माओवादी केन्द्रका उपाध्यक्ष कृष्णबहादुर महराबारे सीआईबीले स्पष्ट पार्नुपर्ने बताएका छन् ।
सोमबार पार्टीको संसदीय दलको बैठकमा बोल्दै महामन्त्री थापाले महराबारे माओवादीले नभई सीआईबीले स्पष्ट पार्नुपर्ने बताएका हुन् ।
सुन तस्करी प्रकरणमा सरकारको निकायले छानबिन गरिनुपर्ने बताउदै थापाले भने, ‘माओवादीको पदाधिकारी बैठकले कृष्णबहादुर महरालाई प्रष्ट पार्न भनेछ । यो कुरा पार्टीको बैठकले भन्ने होइन । सीआईबीले छानबिन गरेर कुरा के हो भन्नुपर्छ ।’
यस्तै,गठबन्धन सरकारले गरेका राम्रा र नराम्रा दुवै कामको जिम्मा कांग्रेसले लिनुपर्ने गगनको भनाई छ ।
