काठमाडौँ । नेपाली सुनचाँदी बजारमा आज साता कारोबारको दोस्रो दिन सोमबार सुनको मूल्य बढेको छ । आइतबार स्थिर रहेको सुनको मूल्य आज प्रतितोला दुई सय रुपैयाँ बढेको हो ।
आज छापावाल सुन प्रतितोला दुई सय रुपैयाँले बढि एक लाख ११ हजार तीन सय रुपैयाँमा कारोबार भईरहेको नेपाल सुनचाँदी व्यवसायी महासंघले जनाएको छ । हिजो उक्त सुन एक लाख ११ हजार एक सय रुपैयाँमा कारोबार भएको थियो ।
यस्तै, सोमबार तेजाबी सुन प्रतितोला एक लाख १० हजार सात सय ५० रुपैयाँमा कारोबार भइरहेको छ । हिजो तेजाबी सुन प्रतितोला एक लाख १० हजार पाँच सय ५० रुपैयाँमा कारोबार भएको थियो ।
त्यसैगरी, सोमबार चाँदीको मूल्य भने स्थिर रहेको छ। आज चाँदी स्थिर रहि आइतबार कै मूल्य प्रतितोला १३ सय ७५ रुपैयाँमा कारोबार भईरहेको महासंघले जनाएको छ ।
