• ९ असार २०८१, आईतवार
  •      Sun Jun 23 2024
  •   Unicode
Logo
Latest
★   नेपाल–चीनबीचको सम्बन्ध नयाँ उचाइमा पुगेको छ: उपाध्यक्ष घिमिरे ★   लैंगिक समानता घरबाटै सुरु गरौ, लैंगिक हिंसा अन्त्य गरौ ★   ‘मिस ग्राण्ड नेपाल-२०२४’को आवेदन खुला ★   गाग्रीमा पानी ओसार्ने समस्या समाधान हुन्छः खानेपानीमन्त्री राई ★   शहरी विकास मन्त्रालयको बजेट असन्तुलित रहेको भन्ने भनाईमा सत्यता छैनः मन्त्री बुढा ★   वैदेशिक रोजगारीमा जाने ९६ प्रतिशत नागरिक ठगिएका छन्, टुलुटुलु हेरेर बस्न सक्दिनँः मन्त्री अर्याल ★   दक्षिणी मेक्सिकोमा एक हप्ताभित्र दुई नगर प्रमुखको हत्या ★   टी–२० विश्वकपको इतिहासमा पहिलो खेल खेलेका वेस्ट इन्डिज र दक्षिण अफ्रिका भिड्दै ★   जिबी राईलाई पक्राउ गर्ने नियत गृहमन्त्रीको छैन: प्रकाशशरण महत ★   प्रधानमन्त्री बलियो हुनुहुन्छ, उहाँकै कमाण्डमा देश अघि बढ्छ: महेश बर्तौला

ज्यापु समाज ललितपुरद्वारा मन्त्रीलगायत विभिन्न व्यक्तिको सम्मान



ललितपुर । ज्यापु समाज ललितपुरले बागमती प्रदेशका नवनियुक्त सामान्य प्रशासन तथा उद्योग मन्त्री लगायत ललितपुर जिल्लामा कार्यालय प्रमुख भएर आएका तथा सरुवा र पदोन्नति भई अन्यत्र जान लागेका विशिष्ट अधिकारीहरुलाई शुक्रबार सम्मान गरेको छ ।

ज्यापु समाज ललितपुरका अध्यक्ष तीर्थलाल महर्जन, पुर्व अध्यक्ष एवम् ललितपुर महानगरपालिकाका प्रमुख बुद्धिराज बज्राचार्य, पुर्व अध्यक्षहरु चन्द्र महर्जन, वीर सिंह महर्जन, रामकाजी अवाले, मंगल महर्जन, कुललाल डंगोललगायतले नेवारी परम्परा अनुसार, जुजुद्यौ, टीका, माला, सगुन, ढाकाको टोपी तथा प्रशंसापत्र दिएर उनीहरुलाई सम्मान गरेका हुन् ।

यसरी सम्मानित हुनेहरुमा बागमती प्रदेशका नवनियुक्त उद्योग तथा सामान्य प्रशासन मन्त्री रामकृष्ण चित्रकार, बागमती प्रदेशका पर्यटन तथा सहकारी मन्त्री पुकार महर्जन, संघीय सरकारको संस्कृति, पर्यटन तथा नागरिक उडड्यन मन्त्रालयका सचिव भरतमणि सुवेदी, ललितपुर जिल्लाका प्रमुख जिल्ला अधिकारी रुद्रप्रसाद पण्डित र पुर्व प्रजिअ जयनारायण आचार्य छन् ।

यसैगरि सम्मानित हुनेहरुमा ललितपुर महानगरपालिकाका प्रशासकिय अधिकृत वीरेन्द्रदेव भारती तथा पुर्व प्रशासकिय अधिकृत गणेश अर्याल, राष्ट्रिय भूमि आयोग ललितपुरका अध्यक्ष श्रीगोविन्द महर्जन र प्रोग्रेसिभ फाइनान्स लिमिटेडका प्रमुख कार्यकारी अधिकृत अनिल श्रेष्ठ छन् ।

ज्यापु समाज ललितपुरका अध्यक्ष तीर्थलाल महर्जनको सभापतित्वमा सम्पन्न कार्यक्रममा समाजका वरिष्ठ उपाध्यक्ष सन्तमान महर्जनले समाजको स्थापनाकालदेखि हालसम्म भए गरेका कामबारे चर्चा गरे ।