५ फाल्गुन २०८१, सोमबार
,
Latest
कीर्तिपुर “जलन अस्पताल”को पीडा सुदूरपश्चिम प्रदेशसभाका विषयगत समितिमा सभापति निर्विरोध स्रोत नखुलेको १० लाख नगदसहित एक भारतीय पक्राउ कृषि वैज्ञानिकको विदेश पलायन रोक्नुपर्छ : मन्त्री अधिकारी नेपाल-पाकिस्तान मित्रता टी-२० क्रिकेट प्रतियोगिता सम्पन्न, हिमालयन क्रिकेट एकेडेमी च्याम्पियन नागरिकता प्राप्तिमा देखिएका समस्या समाधान गर्न विधेयकः गृहमन्त्री लेखक स्वास्थ्य बीमा व्यवस्थित बनाउन प्रयासरत छौँः मन्त्री पौडेल राजनीति छाडेर व्यावसायिक पशुपालनमा रमाउँदै न्यौपाने लुम्बिनी प्रदेशसभाबाट दुई विधेयक पारित परराष्ट्रमन्त्री डा देउवा र भारतीय विदेशमन्त्री डा एस जयशंकरबीच भेटवार्ता
तपाईं के खोज्दै हुनुहुन्छ ?

पाकिस्तानको ७६औँ स्वतन्त्रता दिवस: उपराष्ट्रपति यादव स्वागत समारोहमा



अ+ अ-

काठमाडौं । उपराष्ट्रपति रामसहायप्रसाद यादव पाकिस्तानको ७६औँ स्वतन्त्रता दिवसका अवसरमा आज साँझ यहाँ आयोजित स्वागत समारोहमा सहभागी हुनुभयो ।

नेपालका लागि पाकिस्तानका राजदूत अब्रर हुसेन हास्मीले आयोजना गर्नुभएको उक्त समारोहमा मन्त्रिपरिषद्का सदस्य, उपसभामुख, सांसद, कूटनीतिक नियोगका प्रमुख, नेपाल सरकारका उच्च अधिकारी, कामको सिलसिलामा यहाँ रहेका पाकिस्तानी नागरिक, उद्योगपति, व्यापारी, वरिष्ठ पत्रकारलगायत समाजका प्रतिष्ठित व्यक्तिहरूको उपस्थिति थियो ।

त्यस अवसरमा सङ्क्षिप्त मन्तव्य व्यक्त गर्दै राजदूत हास्मीले सन् १९६० मा पाकिस्तान र नेपालबीच कूटनीतिक सम्बन्ध स्थापना भएयता दुई देशबीच घनिष्ठ सम्बन्ध रहेको चर्चा गर्नुभयो । उहाँले जलवायुलगायत साझा चासोका विषयमा क्षेत्रीय एवं अन्तर्राष्ट्रिय मञ्चमा दुवै देशले साझेदारी गर्दै आएका बताउनुभयो । आपसी सम्बन्धलाई अझ सुदृढ तुल्याउन आफू क्रियाशील रहेको बताउँदै उहाँले नेपालको सामाजिक–आर्थिक विकासमा सक्दो सहयोग गर्न पाकिस्तान तत्पर छ भन्नुभयो ।

नेपाल–पाकिस्तान मैत्री तथा सांस्कृतिक सङ्गठनका अध्यक्ष मञ्जुरत्न शाक्यले दक्षिण एशियाली क्षेत्रीय सहयोग सङ्गठन ९सार्क० का संस्थापक मुलुक नेपाल र पाकिस्तानले शान्ति, समृद्धि र विकासका निम्ति समान दृष्टिकोणका साथ द्विपक्षीय एवं बहुपक्षीय मञ्चमा सहकार्य गर्दै आएका बताउनुभयो । रासस