काठमाडौँ । नेपालमा मनसुनी वायुको साथै बङ्गलादेशको उत्तरी आसपास रहेको न्यून चापीय प्रणालीको प्रभाव रहेको छ ।
मनसुनको न्यून चापीय रेखा सरदर स्थानभन्दा उत्तरतिर (नेपाल नजिक) अवस्थित रहेको जल तथा मौसम पूर्वानुमान महाशाखाले जनाएको छ । जसको प्रभावले अहिले देशभर हल्का देखि मध्यम वर्षा भइरहेको छ।
आज दिउँसो सामान्य देखि पूर्ण बदली रहि देशका धेरै स्थानहरूमा हल्का देखि मध्यम वर्षाको सम्भावना रहेको छ। बागमती, गण्डकी र लुम्बिनीका केहि स्थानमा चट्याङ्गसहित भारी वर्षाको समेत सम्भावना रहेको महाशाखाले जनाएको छ ।
आज राति भने देशभर सामान्य बदली हुनेछ । कोशी, मधेस, बागमती र गण्डकी प्रदेशका केही र बाँकी प्रदेशको थोरै स्थानहरूमा हल्का देखि मध्यम वर्षा हुनेछ। गण्डकी र लुम्बिनीका केहि स्थानमा चट्याङ्गसहित भारी वर्षाको सम्भावना रहेको छ।
यस्तै कोशी र मधेस प्रदेशका केहि स्थानहरूमा हावा हुरीको समेत सम्भावना रहेको छ।
