काठमाडौँ । अस्वस्थ भई उपचाररत काठमाडौँ महानगरपालिकाका पूर्वमेयर पिएल सिंहलाई भेट्न नेपाली कांग्रेसका नेताहरु अहिलेसम्म कोही पनि नगएको बुझिएको छ ।
स्वास्थ्यमा समस्या देखिएपछि सिंहलाई यही साउन १४ गते अस्पताल भर्ना गरिएको थियो । अहिले उहाँको ललितपुरस्थित मेडिसिटी अस्पतालमा उपचार भइरहेको छ । पहिला पिसाबसम्बन्धी संक्रमणबाट पीडित सिंहलाई केही समयदेखि अल्सरको समस्या देखिएको थियो ।
८४ वर्षीय सिंहलाई आईसियुमा राखेर उपचार गरिएको थियो । विसं २०४९ मा भएको स्थानीय निर्वाचनमा नेपाली कांग्रेसबाट उम्मेदवार भई सिंह काठमाडौ महानगरपालिकाको मेयर पदमा निर्वाचित हुनुभएको थियो ।
लामो समयदेखि बिरामी भई अस्पतालमा भर्ना हुँदा समेत कांग्रेस नेता सिंहलाई कांग्रेसका कुनै पनि नेता भेट्न नगएको बताइएको छ ।
