एजेन्सी । लियोनल मेस्सीको कप्तानीमा रहेको अमेरिकी क्लब इन्टर मायमी लिग्स कप २०२३ को क्वाटरफाइनलमा प्रवेश गरेको छ । एफसी डालासको घरेलु मैदानमा भएको खेलमा डालासलाई टाइब्रेकरमा ५-३ ले पराजित गर्दै मायमी क्वाटरफाइनलमा प्रवेश गरेको हो ।
निर्धारित तथा अतिरिक्त समयको खेल ४-४गोलको बराबरीमा सकिएपछि खेल टाइब्रेकरमा गएको थियो ।
मायमीले सुरुवाती अग्रता लिएपनि पछि डालास खेलमा फर्किएको थियो । खेलको ८३ अौं मिनेटसम्म डालास ४-२ ले अघि रहेको थियो । त्यसको ५ मिनेटको अन्तरमा मेस्सीको लगातार दुई फ्रिकिकमा गोल गरेपछि खेल टाइब्रेकरमा पुगेको थियो ।
खेलमा सुरुवाती अग्रता मेस्सीले छैटौँ मिनेटमा दिलाएका थिए। तर त्यसपछि लगातार तीन गोल गर्दै डल्लास ३-१ गोलले अगाडि बढेको थियो। डल्लासका फाकुन्डो क्विगननले खेलको ३७ अौं मिनेटमा बराबरी गोल फर्काए । त्यसपछि पहिलो हाफको अन्तिम मिनेटमा बर्नार्ड कामुंगोले डल्लासलाई अग्रता दिलाए । खेलको ६३ अौं मिनेटमा एलन भेलास्कोले गोल गरेपछि डालास ३(१ ले अघि बढेको थियो ।
मियामीले ६५ औँ मिनेटमा गोल गर्दै खेल ३-२ को अवस्थामा पुर्याएको थियो। तर, ६८ औँ मिनेटमा इन्टर मियामीबाट आत्मघाती गोल भएपछि डल्लास फेरी ४-२ गोलले अगाडि बढ्यो।
डल्लासका डालासका मार्को फार्फानले ८० औँ मिनेटमा आत्मघाती गोल गर्दा मायमीलाई राहत मिल्यो । त्यसपछि मेस्सीले ८५ औँ मिनेटमा शानदार फ्रिकिकमा गोल गरेर खेललाई ४-४ को स्थितिमा पुर्याएका थिए।
मायमीले अब क्वाटरफाइनलमा भोली हुने ह्युस्टन डाइनामो र चार्लोट एफसीबीच खेलको विजेतासँग खेल्नेछ ।
