काठमाडौं । राष्ट्रिय प्रजातन्त्र पार्टी (राप्रपा)ले राष्ट्रियसभाको उप निर्वाचनमा एमालेका उम्मेदवार रामबहादुर थापा (बादल)लाई मत दिई सघाउने भएको छ ।
सोमबार प्रेस विज्ञप्ति जारी गर्दै राप्रपाले एमालेबाट अनुरोधसहितको पत्र आएको भन्दै एमाले उम्मेदवार (बादल)को पक्षमा मतदान गर्न राप्रपाका प्रदेशसभा सदस्य र स्थानीय तहका प्रमुख उपप्रमुखलाई निर्देशन दिएको हो ।
वागमतीबाट राप्रपाका दुई प्रदेशसभा सदस्य र दुईजना गाउँँपालिका अध्यक्ष तथा उपाध्यक्षले निर्वाचनमा मतदान गर्नेछन् ।
