विराटनगर । कोशी प्रदेशका नवनियुक्त मुख्यमन्त्री उद्धव थापाको शपथग्रहण सारिएको छ । आज बिहान साढे १० बजे हुने भनिएको थापाको शपथग्रहण समय साझ ५ बजेको लागि सारिएको हो ।
आज बिहान साढे १० बजे शपथग्रहण गर्ने गरी प्रदेश प्रमुखको कार्यालयले तयारी गरेको थियो । तर, गठबन्धनमा भागबन्डा मिलाउनका लागि थापाले बिहानको शपथग्रहण बेलुकाका लागि सारेका हुन् ।
नेपाली कांग्रेस संसदीय दलका नेता थापा माओवादी केन्द्र, नेकपा एकीकृत समाजवादी र जसपाको समर्थनमा मंगलबार मुख्यमन्त्री नियुक्त भएका थिए ।
मन्त्रालयको बाँडफाट टुङ्गो लगाएर शपथग्रहण गर्ने तयारी भएकाले समय सारिएको नेपाली कांग्रेस प्रमुख सचेतक भूपेन्द्र राईले बताए ।
