काठमाडौँ । नेकपा (एमाले)का सांसद योगेश भट्टराईले तत्काल सभापति चयन नगरे संसदीय समितिको बैठकमा नआउने चेतावनी दिनुभएको छ ।
आइतबार बसेको सार्वजनिक लेखा समितिको बैठकमा उहाँले सरकारले जसरी संसद्लाई चलाउनुपर्ने हो, त्यसरी चलाउन नसकेको भन्दै सात महिनामा एउटा मात्र विधेयक पास हुनु लज्जाको विषय भएको बताउनुभयो ।
उहाँका अनुसार संसदीय समितिका सभापतिहरु पनि एक महिनाभित्र चयन गर्ने अभ्यास भए पनि तीन महिनासम्म हुन सकेको छैन ।
भागवण्डा नमिलेका कारण सभापति चयन हुन नसकेको भनेर समाचारहरु आइरहेको भन्दै उहाँले आफूहरुले कुनै बार्गेनिङ नगरेको बताउनुभयो ।
“सत्ता गठबन्धनको असहमतिका कारण उत्पन्न भएको समस्याको भारी बोक्न चाहँदैनौं” एमालेका सचिव भट्टराईले भन्नुभयो, ‘केही सहमति बनेको छ, त्यसअनुसार जाऊँ । बनेको छैन संसदीय प्रक्रियामा जाऊँ ।”
यसबारे आफूहरुले सभामुखको ध्यानाकर्षण गराउन लागेको समेत उहाँले बताउनुभयो बताउनुभयो । सत्ता पक्षको झै–झगडाको साक्षी भएर आफूहरु नबस्ने भन्दै उहाँ भन्नुभयो, “सम्भवतस् समितिको अर्को बैठकमा आउँदैनौँ ।
