• ७ असार २०८१, शुक्रबार
  •      Fri Jun 21 2024
  •   Unicode
Logo
Latest
★   रास्वपाको चियापान कार्यक्रममा शीर्ष नेताहरु– तस्बिरहरु ★   कर्नाटक प्रहरीको खुलासाः प्रमाण नष्ट गर्नका लागि दर्शनले साथीसँग ४० लाख रुपैयाँ लिए ★   ग्लोबल आइएमई बैंकका ग्राहकलाई आरुष लाइफस्टाइल हस्पिटलमा ३० प्रतिशतसम्म छुट ★   वातावरण व्यवस्थापनमा तीन प्रतिशत बजेट विनियोजन गर्दै चन्द्रागिरि नगरपालिका ★   पृथ्वीराजमार्गको थर्पु–खैरेनीटार खण्ड एकतर्फी सञ्चालनमा ★   योगलाई धर्म र जातमा सिमित गर्नु हुँदैनः अध्यक्ष ओली ★   जब पृथ्वीमा १०–२० लाख वर्षसम्म लगातार पानी परिरहन्थ्यो ★   ९० दशककी ‘सोनपरी’ आजभोलि के गर्दैछिन् ? ★   डेल्टा कम्प्लेक्समा भएको आगलागीबाट ५० करोड क्षतिको अनुमान ★   शासकीय सुधारका लागि संविधान संशोधनमा जानुपर्छ: पूर्वप्रधानमन्त्री डा भट्टराई (अन्तरवार्ता)

सुन तस्करीका आरोपित अडुकियाको कता छ कनेक्सन ?



काठमाडौँ । पछिल्लो समय एक क्विन्टल सुन तस्करी प्रकरणमा मुछिएका व्यापारी राकेशकुमार अडुकियाका थप संकास्पद गतिविधिहरु सार्वजनिक भएका छन् ।

आज सार्वजनिक एक समाचार अनुसार उनी पछिल्ला नौ महिनामा कम्तीमा पनि १४ पटकसम्म नेपाल र हङकङ आवतजावत गरेका छन् ।

नेपाल सरकारको अध्यागमन विभागको रेकर्ड अनुसार उनी गएको नौ महिनामा १४ पटक सम्म नेपाल हङकङ ओहोरदोहोर गरेका छन् र त्यस क्रममा उनले भारतीय पासपोर्ट प्रयोग गरेका छन् ।

उनी नेपाली नागरिक हुन तर भारतीय राहदानीबाट विदेश यात्रा गर्ने गरेका पाइएको छ । यो उनको यात्राको सबै तथ्य बाहिर आएको त छैन तर पनि उनको यो पटक–पटकको यात्रा सुन तस्करीसँग जोडिएको हुनसक्ने भन्दै प्रहरीले थप अनुसन्धान गरिरहेको छ ।

गत असार २९ गते स्कुटरको ‘ब्रेक सु’ मा लुकाएर हङकङबाट करिब एक क्विन्टल सुन काठमाडौँ भित्र्याएको खबर सार्वजनिक भएसँगै उनी बेपत्ता भएका छन् । प्रहरीले उनको खोजी गरिरहेको भए पनि उनी यही साउन २ गते नै नेपाल बाहिर पुगेको पाइएको हो । ‘सम्पर्कविहीन’ अडुकिया सुन तस्करीको सञ्जालमा रहेको आशंकामा राजस्व अनुसन्धान विभाग र प्रहरीले अनुसन्धान थालेको छ ।

यही अनुसन्धानका क्रममा उनी २०७९ असोजदेखि २०८० असारसम्ममा त्रिभुवन विमानस्थलबाट १४ पटकसम्म हङकङ पुगेको खुलेको हो । उनी यदि सही कामले अर्थात् आफ्नो निजी व्यापारिक कामले यो यात्रा गरेको भए नेपाली राहदानी किन प्रयोग गरेनन् भनेर प्रहरीले थप खोजी थालेको हो ।

यो अनुसन्धानबाट उनको कांग्रेससँगको कनेक्सन पनि खुल्ने देखिएको छ । अनुसन्धानमा सहभागी एकजना अधिकारीले उनी नेपाली नागरिककै हैसियतमा विगतमा बैंक/वित्तीय संस्था, सेयर कारोबार, अरू व्यापार–व्यवसायमा आबद्ध थिए । कांग्रेस सत्तामा रहेका बेला उनलाई सरकारले विभिन्न काम तथा व्यावसाय दिएको पनि खुलेको छ ।

उनले नै विपी कोइरालाद्धारा लिखित तीन घुम्ती उपन्यासको चलचित्र निर्माणमा पनि गरेका थिए । विपी कोइरालाको सो उपन्यासलाई फिल्म बनाउन उनलाई अनुमति दिएको थियो ।

यो संयोग हो या कांग्रेसमा उनको कनेक्सन नै हो ? अर्थात् नेपालमा हुने यस प्रकारका संगठित तस्करीमा कुनै पनि नेता या पार्टीकै कनेक्सन हुने भएकाले उनको कनेक्सनले को सँग छ? प्रहरीले सुनमा उनको कनेक्सन भए नभएको खोजी सँगै अरु कोणबाट पनि कोसँग उनको कनेक्सन छ भन्ने पनि खोजी भइरहेको छ ।