काठमाडौं । नेकपा एमालेले सुन तस्करीमा गृहमन्त्रालय अर्थमन्त्रालय र भन्सार बिभाग सबैलाई अनुसन्धानको दायरमा ल्याउनु पर्ने बताएको छ ।
राष्ट्रिय सभाको आजको बैठकमा बौल्दै नेकपा एमालेका दलका नेता देबेन्द्र दाहालले उहाँहरुलाई छानबिनको दायरमा ल्याउनु पर्ने र यसका लागि उच्चस्तरीय न्यायीय समिति वा संसदीय छानबिन समिति बन्नु पर्ने माग गर्नुभयो ।
उहाँले संसदीय छानबिन समितिमा राष्ट्रियसभाको समेत प्रतिनिधित्व हुनु पर्ने माग गर्नुभयो । उहाँले भन्नुभयो ‘यो प्रकरण सार्वजनिक भए लगत्तै गृहमन्त्री , अर्थमन्त्रीले नैतिकताको आधारमा राजीनामा दिनु पर्ने थियो तर उहाँहरु राजीनामा दिनुको साटो के के न गरे जस्तो हिसाबले प्रस्तुत हुनु भएको छ । यो दूर्भाग्य हो ।’
दाहालले भन्नुभयो ‘सरकारको संग्लनता बिना यस्तो काम हुनै सक्दैन ,अब यो नैतिकताको कुरा नभै कानूनी छानबिनको दायरमा ल्याउनु पर्छ ।’
