एजेन्सी । संसारमा विवाहलाई लिएर मानिसहरुको फरक फरक धारणा छ । बिहेको नाम सुनेपछि कतिपय युवायुवती त्यसमा त्यती चासो दिँदैनन् । तर, कतिपय यस्ता छन् जो बुढेसकालमा पनि दुलहा बन्न तयार हुन्छन् ।
अहिले साउदी अरेबियाबाट यस्तै एउटा घटना बाहिर आएको छ । यहाँ ९० वर्षको उमेरमा एक पुरुष पाँचौं विवाह गरेर साउदी अरबको सबैभन्दा जेठो दुलहा बनेका छन् । साउदी अरबको मिडियामा यी वृद्ध आफ्नो पाँचौं विवाहका कारण चर्चामा छन् ।
एक ९० वर्षीय पुरुषले आफ्नी पाँचौं श्रीमतीसँग हनिमून मनाइरहेका छन् । अझै बिहे गर्ने इच्छा रहेको उनको भनाइ छ । एक मिडिया रिपोर्टका अनुसार ती व्यक्तिको नाम नादिर बिन दाहैम वाहक अल मुर्शिदी अल ओतैबी हो, जसले साउदीको अफिफ प्रान्तमा आफ्नो पाँचौं विवाह मनाएका थिए ।
उक्त व्यक्तिको भिडियो सामाजिक सञ्जालमा शेयर भइरहेको छ । यसमा मानिसहरू पाँचौं विवाहको बधाई दिइरहेको देख्न सकिन्छ ।
साउदीका जेठी दुलहाले एक अन्तर्वार्तामा विवाहबारे आफ्नो धारणा व्यक्त गरेका छन् । यी व्यक्तिले विवाहलाई सुन्नत (इस्लाममा पैगम्बर मोहम्मदले तोकेका परम्परा र अभ्यासहरू) भने । अविवाहितले बिहे गर्नुपर्छ भन्ने पनि उनी बताउँछन् ।
९० वर्षको उमेरमा बिहे गरेपछि उक्त व्यक्तिले यो बिहेपछि फेरि बिहे गर्न चाहेको बताउँछन् । उनी भन्छन् कि वैवाहिक जीवन सबैभन्दा शक्तिशाली छ, यो विश्वासको कार्य हो र ‘अल्लाह’को अगाडि गर्वको विषय हो ।
उनले विवाह गर्दा जीवनमा खुसी आउने, विवाहले संसारमा समृद्धि ल्याउने बताए । आफ्नो स्वास्थ्यको रहस्य विवाह नै रहेको बताए । युवाका लागि विवाह गर्न हिचकिचाउने युवालाई धर्म बचाएर जीवनभर विवाह गर्न उनी आग्रह गर्छन् ।
