• ७ असार २०८१, शुक्रबार
  •      Fri Jun 21 2024
  •   Unicode
Logo
Latest
★   नेपाली काँग्रेस संसदीय दलको बैठक जारी ★   प्याट कमिन्सअघि यी ६ बलरले टी–२० विश्वकपमा ह्याट्रिक लिएका थिए ★   सिमेन्ट उद्योगलाई उद्योगस्थलकै तौल पुल प्रयोग गरी उत्खनित खनिजको परिणाम मापनका लागि ६ महिना म्याद… ★   रास्वपाको चियापान कार्यक्रममा शीर्ष नेताहरु– तस्बिरहरु ★   कर्नाटक प्रहरीको खुलासाः प्रमाण नष्ट गर्नका लागि दर्शनले साथीसँग ४० लाख रुपैयाँ लिए ★   ग्लोबल आइएमई बैंकका ग्राहकलाई आरुष लाइफस्टाइल हस्पिटलमा ३० प्रतिशतसम्म छुट ★   वातावरण व्यवस्थापनमा तीन प्रतिशत बजेट विनियोजन गर्दै चन्द्रागिरि नगरपालिका ★   पृथ्वीराजमार्गको थर्पु–खैरेनीटार खण्ड एकतर्फी सञ्चालनमा ★   योगलाई धर्म र जातमा सिमित गर्नु हुँदैनः अध्यक्ष ओली ★   जब पृथ्वीमा १०–२० लाख वर्षसम्म लगातार पानी परिरहन्थ्यो

केन्द्रीय समितिमा शेखरको प्रश्न: देशमा दण्डहीनतालाई सँस्थागत रुप दिन काग्रेस किन अग्रसर भयो ? पूर्णपाठ सहित



काठमाडौँ । नेपाली कांग्रेसका केन्द्रीय सदस्य डा शेखर कोइरालाले पार्टीलाई विधानअनुसार चलाउनुपर्ने बताउनुभएको छ ।

पार्टी केन्द्रीय कार्यालय सानेपामा जारी केन्द्रीय समितिको बैठकमा आइतबार उहाँले देश संविधानअनुसार चलेजस्तै कांग्रेस पार्टीलाई पनि पार्टी विधानबाट अगाडि बढाउने परम्परा बसाल्न आग्रह गर्नुभयो ।

“हाम्रा भ्रातृ र शुभेच्छुक संस्थाहरुलाई पनि विधानअनुरुप अगाडि बढाउने काम गरौँ”, उहाँले भन्नुभयो, “विधानले सबैले गर्ने काम तोकेको छ । हामी कतिले के–के गर्यौं, मनन गरौँ । लामो समयपछि बसेको केन्द्रिय समितिको बैठक आरोप प्रत्यारोप र कुण्ठा पोख्ने थलो मात्र बनेको देखियो । यो राम्रो लक्षण हैन । यसले हामी हाम्रो लक्ष्य र गन्तव्यमा पुग्न सक्दैनौँ ।”

दूरदराजका जनताको आवाज सुन्न र केवल शब्द रटानमा मात्रै नभई व्यावहारिकरुपमै आफूलाई परिवर्तन गर्न आग्रह गर्दै डा कोइरालाले भन्नुभयो, “विधानले व्यवस्था गरेअनुसार बसाँै र छलफल गरौँ, कांग्रेसलाई बहस, चिन्तन र विचारको नयाँ युगमा प्रवेश गराआँै । कांग्रेस रुपान्तरण भनेकै यही हो ।”

कांग्रेसले गठबन्धन गरेर ठिक वा बेठिक गर्यो भनी अब बस्ने समय नभएको भन्दै उहाँले आगामी निर्वाचनहरु कांग्रेसले एक्लै लड्ने तयारी आजबाटै गर्नेछौँ भनी शपथ खानु पर्ने बताउनुभयो

राज्यका जिम्मेवार निकायहरुकै कारण देशमा पछिल्ला दिनहरुमा दण्डहीनता बढेर गएको उहाँको भनाइ थियो । नीतिगतरुपमै कानून बनाएर दण्डहीनतालाई प्रश्रय दिने काम भइरहेको छ भन्दै उहाँले हाल संसद्मा रहेको ‘मुलुकी संहिता सम्बन्धी केही नेपाल ऐनलाई संशोधन गर्न बनेको विधेयक–२०८०’ तत्काल खारेज गर्नुपर्ने माग गर्नुभयो । उहाँले भन्नुभयो, “यदि यो विधेयक संसदबाट पारित भए देशमा दण्डहीनताले सँस्थागत रुप लिन्छ । जनता दण्डहीनताको अन्त्य गर्न कांग्रेसले नेतृत्वदायी भूमिका खेलोस् भन्ने चाहना राख्छन् ।”

kendriya samiti speech on 7 shrawn 2080 by dr shekhar koirala