काठमाडौं । चिनियाँ कम्युनिस्ट पार्टी (सीपीसी) का पोलिटब्युरो सदस्य युआन च्या च्युन तीन दिने भ्रमणका लागि आईतबार नेपाल आउदै हुनुहुन्छ ।
नेकपा माओवादीकेन्द्रका महासचिब देब गुरुङको निमन्त्रणमा नेपाल आउन लाग्नुभएका च्युनले राष्ट्रपति रामचन्द्र पौडेल देखी बिभिन्न दलका नेताहरु लाई भेट्ने कार्यक्रम रहेको छ । आईतबार १२ः१५ मा काठमाडौं उत्रेन र दिउसो राष्ट्रपति रामचन्द्र पौडेल संग भेट गर्ने कार्यक्रम रहेको छ ।
यो पनि पढ्नुहोस- उत्तरका पाहुना आउँदै, प्रधानमन्त्री इटाली जाँदै
यसैगरी आईतबार नै कार्यवहाक प्रधानमन्त्री पूर्णबहादुर खड्का र माओबादीकेन्द्रका कार्यवाहक अध्यक्ष नारायणकाजी श्रेष्ठलाई भेट्ने कार्यक्रम रहेको छ । उहाँले आईतबार नै बिभिन्न दलका नेताहरु लाई होटल द्वारिकामा रात्रि भोजको आयोजना गर्नुहुने जनाईएको छ ।
सोमबार बिहान काग्रेस सभापति शेरबहादुर देउवा संग भेट गर्ने र त्यसपछि कलकीमा रहेको एलआरआई बिद्यालयमा पुग्ने कार्यक्रम तय भएको जनाईएको छ । सोमबार नै भक्तपुर दरबार क्षेत्रको अबलोकन गर्ने र समय मिले सम्म सिन्धुपाल्चोक जाने नभए सिन्धुपाल्चोकमा स्थानीय निकायका प्रतिनिधीहरु भिडियो कनफ्रेन्स गर्ने जनाईएको छ ।
च्युनले नेपालमा रहँदा चिनियाँ लगानीमा सञ्चालन भैइहेका आयोजनाहरुका बारेमा जानकारी लिनुहुने पनि जनाईएको छ । मंगलबार बिहान एमाले अध्यक्ष केपी ओलीसंग भेट गरेपछि च्युन चिन फर्कने कार्यक्रम रहेको जनाईएको छ ।
