काठमाडौँ । नेपाली कांग्रेसका महामन्त्री गगनकुमार थापाले पार्टी केन्द्रीय समितिको बैठक वर्षमा दुई पटक उपत्यकाबाहिर गर्न प्रस्ताव गर्नुभएको छ ।
मंगलबार पार्टी केन्द्रीय कार्यालय सानेपामा सुरु भएको पार्टी केन्द्रीय समितिको बैठकमा उहाँले आगामी छ वटा बैठकको मितिसमेत प्रस्ताव गर्नुभएको छ । पार्टी विधानबमोजिम हरेक दुई महिनामा एउटा केन्द्रीय समितिको बैठक बस्नुपर्नेछ । यद्यपि एक वर्षपछि मात्र मंगलबार केन्द्रीय समितिको बैठक बसेको हो ।
महामन्त्री थापाले आगामी एक वर्षका लागि बस्ने बैठकको मिति नै प्रस्ताव गर्नुभएको छ । उहाँले हेरक दुई/दुई महिनामा बैठक गर्ने भन्दै असोज, मंसिर, माघ, चैत र जेठको पहिलो साता बैठक राख्ने प्रस्ताव गर्नुभएको हो । वर्षमा दुई वटा बैठक काठमाडौं उपत्यका बाहिर गर्ने प्रस्ताव छ उहाँले राख्नुभएको छ ।
