• ११ असार २०८१, मंगलवार
  •      Tue Jun 25 2024
  •   Unicode
Logo
Latest
★   चन्द्रमाको सतहबाट नमूना लिएर पृथ्वीमा फर्कियो चीनको यान ★   नेपालमा अष्ट्रेलियन लगानी ल्याउन पहल गर्छु: वाणिज्यदूत शर्मा ★   झलनाथ खनाल स्वास्थ्य विज्ञान प्रतिष्ठानका पदाधिकारी बिरुद्धको मुद्दा: सचिव र मेयरलाई सफाई ,अरु दोषी ठहर ★   ‘इट्स माइ शो’को विषयबारे अनमोलले के भने ? ★   अन्तर्राष्ट्रिय ‘मैथिली फिल्म फेस्टिभल’ सुरु ★   समाजवादी आन्दोलनको नयाँ प्रवाह शुरु भएको छः झलनाथ खनाल ★   गलत प्रवृत्तिका विरुद्धमा नयाँ सांस्कृतिक जागरण पैदा गर्न आवश्यकः अध्यक्ष नेपाल ★   महाकालीको कटान रोक्न कुतियाकबरमा जैविक तटबन्ध ★   आन्तरिक वा बाह्य ऋण उत्पादनमूलक क्षेत्रमा खर्च गर्छौँ: अर्थमन्त्री पुन ★   करेन्ट लागेकालाई बचाउन खोज्नेको मृत्यु, अर्का घाइते

बिना वरियताकी मार्केटा एन्ड्रोसोभाले जितिन् विम्बल्डनको उपाधि



यस वर्षको विम्बल्डन ग्रान्डस्लाम प्रतियोगिता अन्तर्गत महिला एकल तर्फको उपाधि चेकोस्लोभाकियाकी टेनिस स्टार मार्केटा एन्ड्रोसोभाले जितेकी छन् ।

शनिबार भएको यस खेलमा बिना वरियताकी २४ वर्षीया मार्केटाले उपाधि जित्ने प्रबल दाबेदार मानिएकी ओन्स जाबेरलाई सोझो सेटमा पराजित गरिन् । मार्केटाले प्रतियोगिता ६–४, ६–४ ले जितेर जाबेरलाई निराश पारिन् ।

विम्बल्डन फाइनलमा पराजित भएसँगै निराश मुद्रामा ओन्स जाबेर ।

छैटौं वरियताकी २८ वर्षीया जाबेर तीन पटक ग्रान्डस्लाम प्रतियोगिताहरुमा फाइनलमा पुगेर पनि पराजित भएकी छन् । ग्रान्डस्लाम जित्ने सपना बुनेर आएकी उनी विम्बल्डनको घाँसे कोर्टमा पराजित भएसँगै कोर्टमै रोएकी थिइन् ।

मार्केटाले यसअघि सन् २०१९ मा फ्रेन्च ओपनको फाइनलसम्मको यात्रा तय गरेकी थिइन् तर फाइनलमा उनी अस्ट्रेलियाकी आश्ले बार्टीसँग पराजित भएकी थिइन् । तर त्यसपछि उनी पटक पटक घाइते हुँदै खेल जीवनलाई नियमित रुपमा अघि बढाउन सकेकी थिइनन् । गत सिजनमा उनी विम्बल्डन खेल हेर्न आएकी थिइन् ।