एजेन्सी । यस वर्ष बलिउडका दुई सुपरस्टार आमिर खान र सलमान खानले सँगै ईद मनाएका थिए । आमिर सलमानको घरको पार्टीमा पुगेका थिए जहाँबाट सलमानले उनीसँगको फोटो पनि सेयर गरेका थिए ।
त्यसपछि दुबै सलमानकी बहिनी अर्पिताको ईद पार्टीमा देखिएका थिए । यहाँ सबैको नजर आमिरमा थियो, जसले सलमानको फिरोजा ब्रासलेट लगाएका थिए ।
यसैबीच अमेरिकी युट्युबर जेवी कोएले यस घटनामा बोलेका छन् । भ्लग सेयर गर्दै कोएले सलमान कसरी भावुक भए र आमिरलाई आफ्नो भाग्यशाली ब्रासलेट दिए भन्नेबारे खुलासा गरेका छन् ।
जेवीले आफ्नो नयाँ भ्लगमा आफू ईदको भोलिपल्ट आमिरलाई भेट्न उनको घर गएको बताए । उनले आमिरलाई ब्रासलेटसँग संघर्ष गरिरहेको देखे ।
यसबारे आमिरले भने, ‘हिजो राती म सलमान खानसँग थिएँ । हामीले उनको फिल्मको उत्सव मनाइरहेका थियौँ । हामी दुबैले केही ड्रिंक खायौं र रक्सीले मातेर सलमानले भावुक भएर मलाई आफ्नो ब्रा सलेट दिए । सलमानले भने ‘तिमी मेरो भाइ हौ । हामी दुबै एकअर्कालाई लामो समयदेखि चिन्छौं । मैले यसलाई कहिल्यै फुकालेको छैन, तर तीमिले यो ब्रासलेट राख्न सक्छौ ।’
जेवीले अगाडि भने, ‘जब आमिर अर्को दिन उठे तब उनले सलमानको ब्रासलेट लगाएको महसुस गरे । आमिरले सलमानको ब्रासलेट राख्न नचाहेको कारण त्यही रात फर्काउन चाहन्थे ।
लामो समय अघि एक कार्यक्रममा सलमानले आफ्नो लक्की ब्रासलेटको बारेमा कुरा गरेका थिए । उनले भनेका थिए, ‘यो फिरोजा ढुंगा हो । जुन पृथ्वीमा पाइने दुई जीवित ढुङ्गा मध्ये एक हो । यो ढुङ्गाले मलाई नकारात्मकताबाट जोगाउँछ । यो मेरो सातौं ढुङ्गा हो ।’
कामको कुरा गर्दा, आमिर र सलमान दुबै आफ्नो अर्को प्रोजेक्टको खोजीमा छन् । उनका अघिल्ला दुवै फिल्म फ्लप थिए । यस्तो अवस्थामा दुबैजना समय निकालेर राम्रो स्क्रिप्टमा काम गर्न चाहन्छन् ।
